Тараз қаласының 10 мектебінде (№1, 3, 4, 6, 7, 12, 16, 22, 51, 53) «Казгылым» ЖШС-ң «BalaPay» сервисін қолдану бойынша 2021 жылы пилоттық жоба ұсынылған. Аталған мектептерге бір данадан арнайы планшеттер орнатылған. Планшетке ас мәзірін енгізуге және кез-келген карта арқылы есеп айырысуға және қоғамдық көлікпен жүруге арналған «Тұлпар» картасын («Орталық диспетчерлік қызмет» ЖШС) пайдалануға болады.
Қазақстан Республикасы Білім және ғылым министрінің
2018 жылғы 31 қазандағы №598 бұйрығымен
бекітілген Қағиданың (10.08.2022 жылы №359 бұйрықпен өзгерістер мен толықтырулар енгізілді) 108 тармағына сәйкес Тамақтандыруды ұйымдастыру кезінде білім алушылардың білім беру жүйесімен интеграцияланған ақпараттық платформаға не білім беру жүйесіне бақылау - кассалық құрылғылардан деректерді тіркеу және беру функциясы бар мектеп асханасына баруын есепке алу жүзеге асырылады»-делінген. Осыған сәйкес қазіргі уақытты «e-ashana» мобильді қосымшасы мектеп асханаларында қолма-қол ақшасыз есеп айыру жүйесіне арналған платформа іске қосылуда.
Платформада (жүйеде) күн сайын бағасы көрсетілген мәзір, тағамдар фотосуреті орналастырылады, мектеп асханасында білім алушылардың тамақтануы туралы ата-аналарды автоматты түрде хабардар ету, білім алушылар мен олардың ата-аналарының қызметтер сапасын, ас мәзірінің сәйкестігін бағалау жөніндегі функционал көзделеді.
