2018 жылдың 30 қараша күні №51 орта мектептің базасында Тараз қаласы әкімдігінің білім бөлімінің әдіскері Алиева Бахыт Белгібайқызының ұйымдастыруымен «Білім мазмұнын жаңарту жағдайында математика және физика сабақтарын оқытудың тиімді әдіс-тәсілдері» тақырыбында қалалық семинары өткізілді. Семинарды өткізудегі мақсат - жаңартылған білім беру мазмұны аясында оқытудың тиімді әдіс тәсілдерін барынша жетік меңгерту арқылы, оқушылардың тұлғалық қабілеттерін ашу болатын. Аталған семинарға білім бөліміне қарасты 46 білім мекемесінен математика ж/е физика пәні бойынша 52 педагог қатыстырылды. Семинарда әдіскер мен 5 педагог өздерінің мазмұнды әрі тиімді іс-тәжірибелерімен бөлісті. Атап айтар болсам:
- Алиева Бахыт Белгибайқызы – Қ.Б.Б-ң әдіскері
Баяндама: «Жаңартылған білім мазмұны бойынша оқу мен оқытудағы жаңа тәсілдер»
- Орынбекова Назира Бахытжанқызы - №8 гимназияның математика пәні мұғалімі
Шеберлік сынып: «Жаңартылған білім беру бағдарламасы бойынша сабақ жоспарын құрудағы проблемаларды шешу»
- Абдымомынова Жанерке Талғатжанқызы - №11 орта мектептің математика пәні мұғалімі
Ашық сабақ: «Квадрат теңдеулерді шешу» 8 сынып
- Байтасова Гүлбану Абдиманапқызы - №42 орта мектептің физика пәні мұғалімі
Ашық сабақ: «Температура, оны өлшеу тәсілдері. Температураның шкалалары» 8 сынып
- Утенова Гүлнар Ануарқызы - №53 Қ.Тұрысов ат. мектеп-гимназияның математика пәні мұғалімі;
Даниярбек Роза Нұрланқызы - №46 орта мектептің математика пәні мұғалімі;
Іс-тәжірибе алмасу, тарату: «Оқушылардың математикалық сауаттылығын арттыру – жаңа заман талабы»
(аталған екі мұғалім «Математикалық сауаттылыққа есептер шығару» атты 5-11 сынып оқушыларына арналған кітап шығарған. Аталған мұғалімдер осы оқу - әдістемелік құралды таныстыра отырып, ондағы есептердің бірнешеуінің шығарылу жолдарын көрсете отырып, түсіндіріп өтті және оқу-әдістемелік құралдың тұсауы кесілді. Семинар соңында мұғалімдермен кері байланыс жасалып, педагогтардың семинар туралы пікірлері тыңдалып, ұсыныстары айтылды. Семинардан қысқаша көрініс төменде көрсетілді.
