2019 жылдың 9 қаңтар күні №5 мектеп-гимназияның базасында Тараз қаласы әкімдігінің білім бөлімінің бас маманы Кайрат Укибасов пен әдіскер Серік Мухамбетовтың ұйымдастыруымен жасөспірімдер арасындағы құқық бұзушылықтың алдын алуға және оқушылардың спортқа деген қызығушылығын арттыру мақсатында спорттық ойындар мен әскери-спорттық жарыстар өткізді. Тәртібі қиын, полиция бөлімдерінің профилактикалық есептеріне алынған оқушылар аталған іс-шарада белсенділік танытып, спорттық ойындардың нәтижесінде көптеген достармен танысты. Қорытындысына сәйкес қамтылған оқушылар білім бөлімінің алғыс хат және жүлделі орынды иеленгендер дипломдармен марапатталды. Бұл бағыттағы жұмыстар оқу жылының тоқсандық демалыс кездерінде тұрақты өткізіліп отырады және алдағы уақыттада өз жалғасын табатын болады.