Отбасы – бұл бала өмір сүретін, жаңалық ашатын, сүюге, қуануға, жанашырлыққа үйренетін біртұтас әлем. Кез-келген адам өзінің отбасынан бастау алады. Баланың қандай болуы ата-анасының берген тәрбиесіне байланысты. Ата-ананың бала бойына сіңірген құндылықтары, баланың болашақтағы әрекеттерінде көрініс табады.
Отбасылық тәрбиенің адам өміріндегі рөлін бағаламауға болмайды. Отбасында бала әлемді тани бастайды. Ол ата-анасының мінез-құлқына қарап, оны қайталауға тырысады. Бала «жақсы» мен «жаман» ұғымдарын ата-анасының осы ұғымдарды пайымдауына сүйене отырып түсінеді.
НЗМ ата-аналарға қолдау көрсету үшін «Бақытты ата-ана – табысты бала» атты бірегей онлайн-курс әзірледі https://stepik.org/course/80076/promo .
Осы курстарда ата-аналар мектеп жасындағы балалардың жас ерекшеліктері туралы біліп, өз баласын оқыту мен дамытуда қалай қолдау көрсету керектігін түсінеді.
Аталған курс ата-аналарға қашықтықтан оқыту кезінде баланы қолдаудың жаңа заманауи түрлерімен, Интернет желісінде балалардың қауіпсіздігін қамтамасыз етудің нұсқаларымен танысуға, балалармен қолайлы қарым-қатынас орнатуға мүмкіндік береді.
Дені сау, бақытты және табысты баланы қалыптастырудың кепілі - мектеп пен ата-ананың өзара қарым-қатынасында.
