Жарқын болашақ ертеңгі жастар
«Бүгінде бір ананы тәрбиелегеніміз – бір ұлтты тәрбиелегеніміз» деген болатын Елбасы Н.Ә.Назарбаев. Ұлттың болашағы ол бүгінгі жасөспірімдер. Жасөспірімдерді тәрбиелеу бағытында көптеген жұмыстар жүргізілуде. Солардың бірі «Тараз қаласы әкімдігінің білім бөлімі» Education Department of Kerbulak districtнің әлеуметтік тапсырысы бойынша «Жарқын болашақ ертеңгі жастар» жобасы ағымдағы жылдың қазан-қараша айларында іске асырылды. Жобаны «Қазақстан ұйымдастырушылар қоғамы» қоғамдық бірлестігі қалалық барлық мектептерінде әзірленген жоспарға сәйкес ұйымдастырып, өткізді.
Қала мектептеріндегі 8-11 сынып аралығындағы оқушы қыздарына гинеколог дәрігерінің, педагог-психолог пен заңгер маманының жекелеген профилактикалық жұмыстары мен жалпы жиналыс түрінде «Жасөспірімдер арасындағы ерте жастағы жүктіліктің алдын алу» тақырыбындағы семинар, тренинг іс-шаралары жүргізілді.
Іс-шара барысында дәрігер-гинеколог дене тазалығы мен гигиена талаптары, жасөспірімдер арасындағы ерте жастан жүкті болу жағдайларының алдын алу бағытында дәрістер беріліп, бойжеткендердің бойындағы физиологиялық өзгерістер мен олардың жүктілік кезіндегі қиындықтары туралы түсіндірілді. Сонымен қата, педагог-психолог пен заңгердің жүргізген тренинг жұмысында мәселелердің психологиялық аспектілері қарастырылыдп. Оқушылардың сұрақтарына жауаптар берілді.
Тараз қаласы әкімдігінің
білім бөлімінің бас маманы
Укибасов Кайрат Исаевич
