«Жұлдызай» инклюзивті ойындар спартакиадасы

Жамбыл облысы әкімдігінің білім басқармасының ұйымдастыруымен 23 мамыр күні Ж.Үшкемпіров атындағы «Тараз-Арена» спорттық кешенінде ерекше білім беруге қажеттілігі бар балалар арасындағы «Жұлдызай» инклюзивті ойындар спартакиадасының облыстық іріктеу кезеңі өтті.

Іріктеу кезеңіне 10 жастан 15 жасқа дейінгі ерекше білім беруді қажет ететін балалар қатысты.Байқау жұмыстары алты номинация бойынша өтті. Атап айтсақ:

голбол

жеңіл атлетика

үстел теннисі

бочча

шағын футбол

ұлттық ойын түрлері

Аталған іс-шараға Тараз қаласы білім бөліміне қарасты білім мекемелерінен 24 ерекше білімді қажет ететін оқушы қатысып,жүлделі орындар иеленді. 

І орын - «Шағын футбол» номинациясы бойынша №46 орта мектептің командасы 

ІІ орын - «Шағын футбол» номинациясы бойынша №14,47 орта мектептің командалары 

ІІІ орын - «Шағын футбол» номинациясы бойынша №6 орта мектептің командасы 

І орын – «Ұлттық ойын түрлері» номинациясы бойынша тоғызқұмалақтан №47 орта мектептің білім алушылары иеленді.

Оқушыларымызды жеңісімен шын жүректен құттықтаймыз!