Алқа мәжілісі өтті

Ағымдағы жылдың 14 сәуірі күні Қ. Тұрысов атындағы №53 мектеп-гимназия кешенінде білім бөлімінің басшылығымен алқа мәжілісі өтті. Мәжіліске қаладағы 60 мектептің директорлары және білім бөлімінің қызметкерлері қатысты. Алқа мәжілісінде балаларды ыстық тамақпен қамтамасыз ету, кәмелетке толмағандар арасындағы құқық бұзушылықтың алдын алу, дарынды балаларды қолдау, білім сапасы, электронды журналдың сапалы жүргізілуі және сыбайлас жемқорлық құқық бұзушылықтың алдын алу бойынша мәселелер қаралып, жалпы орта білім беретін ұйымдардың басшыларына нақты тапсырмалар берілді. 

Сонымен қатар "Жомарт түлек" жобасы бойынша №57, 60 орта мектеп директорларының есептері тыңдалды.