Сырттай оқыту ережесі

  Сырттай оқыту мектебінің

Ережесі

 

  1. Жалпы Ережелер

 

Сырттай оқыту мектебінің (әрі қарай - ОСМ) қызметі оқушылардың химиялық-биологиялық, физикалық-математикалық, тарихи-географиялық, лингвистикалық, ақпараттық (информатика) бағыттар бойынша шығармашылық, зерттеушілік және жобалық іс-әрекетін дамыту үшін білім ортасын қалыптастыруға бағытталған.

 

2. Мақсаты мен міндеттері

 

2.1. Мақсаты: Қосымша білім алуда оқушылардың шығармашылық, зерттеушілік және жобалық іс-әрекетін дамыту үшін жағдайлар жасау.

2.2. Міндеттері:

• оқу, математикалық жаратылыстану сауаттылықтарын арттыру;
• оқушылардың сын тұрғысынан ойлау дағдыларын, функционалдық сауаттылығын дамыту;
• оқытудың жобалық зерттеушілік және ақпараттық технологияларын қолдана отырып, білім беру процесін жүзеге асыру;

 

3. Жарыстың қатысушылары

 

ОСМ білім беру процесіне білім беру мекемелерінің 5-9 сынып оқушылары қатысады:

 

4. Оқытуды ұйымдастыру тәртібі

 

4.1. ОСМ-де оқыту оқу жылының қазаны мен сәуірі аралығында келесі бағыттар бойынша жүргізіледі: химиялық-биологиялық, физика-математикалық, лингвистикалық, тарихи-географиялық, ақпараттық (информатика).

ОСМ-дегі оқу процесін Жамбыл облысы әкімдігі білім басқармасының оқу-әдістемелік кабинетінің әдіскерлері және озық тәжірибелі мұғалімдердің қатысуы арқылы жүргізіледі. Оқыту айына 4 сабақтан аптасына 1 рет zhambul_obl_metod комнатасында өтеді. (1 апта – 5-6сыныптар, 2 апта – 7 сыныптар, 3 апта – 8-сыныптар, 4 апта – 9 сыныптар). Оқыту 3 бағытта ұйымдастырылады. Оқу сауаттылығы - қыркүйек, желтоқсан, сәуір айлары. Жаратылыстану сауаттылығы – қазан, ақпан, мамыр. Математикалық сауаттылық – қараша, наурыз, маусым. Әрбір бағыт бойынша қазан, ақпан, наурыз айларында оқушылар арасында оқу, математикалық, жаратылыстану сауаттылығы бойынша «Жас білімпаз» интеллектуалды олимпиадасы өткізіледі.

 

5. Білім беру процесін жүзеге асыру түрлері

 

1. Оқушыларға арналған бақылау және тәжірибелік тапсырмалар.
2. Оқушыларға қашықтық жеке кеңес беру.
3. Дарынды оқушылармен жұмыс жүргізу бойынша мол тәжірибесі бар облыстың үздік педагогтарының облыстық оқу-әдістемелік кабинетінің Zh-metod.kz сайтында орналасқан онлайн-сабақтары.

 

 Источник: http://zh-metod.kz/